ရွှေဝါရောင်တော်လှန်ရေး (၃)နှစ်ပြည့်တဲ့အချိန်မှာပဲ ပြည်ပကမြန်မာမီဒီယာသတင်းဌာနတွေရဲ့ အင်တာနက်စာမျက်နှာတွေကို အတိုက်ခိုက်ခံရတယ်လို့သိရပါတယ်။ မြန်မာနိုင်ငံရဲ့ နိုင်ငံရေးအခြေအနေတွေကို အဓိကဖေါ်ပြတဲ့သတင်းဌာနတွေအတိုက်ခိုက်ခံတာဖြစ်တဲ့အတွက် မြန်မာစစ်အစိုးရရဲ့လက်ချက်ဖြစ်မယ်လို့ဟု ပြောဆိုမှုတွေရှိနေပါတယ်။
မြန်မာနိုင်ငံရေးသတင်းတွေကို အဓိကဖေါ်ပြတဲ့ ဧရာဝတီ၊ မဇ္ဈိမနဲ့ ဒီမိုကရက်တစ်မြန်မာ့အသံ သတင်းဌာနတွေကို အဓိကအတိုက်ခိုက်ခံရတာဖြစ်ပါတယ်။ ဒီလိုတိုက်ခိုက်မှုကြောင့် ဒီမိုကရက်တစ်မြန်မာ့အသံကို အနည်းငယ်သာထိခိုက်ခဲ့ပေမဲ့ ဧရာဝတီနဲ့ မဇ္ဈိမသတင်းဌာနတွေကတော့ လုံးဝရပ်ဆိုင်းထားရပါတယ်။
၂၀၀၈-ခုနှစ်တုန်းကလဲ အလားတူဖြစ်ရပ်ရှိ်ခဲ့ဘူးပါတယ်။ ရုရှား၊ ဂျော်ဂျီယာ၊ ဗီယက်နမ်၊ ကာဇက်စတန် အစရှိတဲ့နိုင်ငံတွေကတဆင့် ဒီတိုက်ခိုက်မှုတွေကို လုပ်ခဲ့တာလို့သိရပါတယ်။
ဒီလိုတိုက်ခိုက်မှုဟာ စနစ်တကျအင်အားသုံးပြီးတိုက်ခိုက်တာဖြစ်လို့ မြန်မာစစ်အစိုးရကစီစဉ်တာသေချာတယ်လို့ပြောဆိုမှုတွေရှိနေပါတယ်။ နိုဝင်ဘာလမှာကျင်းပမယ့်ရွေးကောက်ပွဲနီးလာရင် ဒီလိုဖြစ်ရပ်တွေပိုဖြစ်လာမယ်လို့လဲသုံးသပ်ကြပါတယ်။
No comments:
Post a Comment